Dhundh ki chaadar...

Dhundh ki chaadar, hawa ke jhonke/Dhoop aur chaanv rehte jab ek dooje ke hoke/Subah ki bela me girti boonde/Sur aur saaj se sajti roohein/Zindagi khil jaye phoolo ki hoke/Zindagi khil jaye phoolo ki hoke...

Chachahati huyi awaj...

Chahchahati huyi awaj/ Mridu lagti hai jab padti hai kaano me/Kuch awaje geet ban jati hai/Kuch dil me bas jaati hai/Jab wo panchi khule gagan me vicharta hai/Aur chahchahata hai/Maano saanso ne sargam ched di ho/Tum sama jao meri aatma me/Tum sama jao meri aatma me..

Kadmo tale jahaan ....

Kadmo tale jahaan rakha tha/Bada dilnasheen bachpan ka sapna tha/Gumshuda ho gaye is bheed mein/Jo gair tha wo bhi apna tha/Baithe baithe hi thak jate h ab to/Tab pata hi nahi tha kya thakna tha/Haalat e mukaddar se roz ladte hai ab to/Jhagadte the bina haar, jeet ke kyunki wo bachpana tha/Jhagadte the bina haar, jeet ke kyunki wo bachpana tha...

Pass kuch khushiyaan...

Paas kuch khusiyaan kuch gam baithe hai/Haalat-e-karam par hum saham baithe hai/Zindgi tere galiyaare me phool aur kaante dono hai/Ashkon se bhari aankhe liye nam baithe hai/Bahut pareshaan ho gayi hai rooh ab to/Zindgi teri jaddojehad me bechain hum baithe hai/zindgi teri jaddojehad me bechain hum baithe hai...

when you are in my mind...

When you are in my mind/Or lie somewhere in life's ground/Keep it sole or keep it bind/How to search you or how to find/O my happiness

Zindagi me thehraav...

Zindagi me thehraav pani ki tarah hota hai/Therhar jata hai simat kar ek gaddhe mein/Kabhi kabhi lagta hai ki bas yahi thehra rahega aur sookh jayega/Par asha ki ek raah hi kaafi hoti/Usko chalayemaan karne ko/Zindagi pani ki tarah hai/Thehraav aate aur phir chal padti hai kuch pal paschaat.....

Zindagi ki dhoop mein...

Zindagi ki dhoop mein chaaon taankta hu/Jo ik bacche mein tha wo chulbulapan maangta hu/Bade to bahut ho gaye badon ki duniya mein/Aaj bhi jeene ke liye bachpan talaasta hu/Aaj bhi jeene ke liye bachpan talaasta hu....

tumhati roj roj ki baate...

Tumhari roj roj ki baate/ Un baato me fariyaade/Fariyaade acchi lagti hai/Dil ko satati yaade/Yaado ki tanha raate/Raate badi tadpati hai/Aankho se kahi baate/Sunati hai dil ki kitaabe/Kitaabe unpadi si lagti hai/Kitaabe unpadi si lagti hai..

Diya jalta rahe...

Diya jalta rahe, jalta rahe,jalta rahe/Man prajwallit banta rahe, banta rahe,banta rahe/Khushiyo ke patakhe fatte rahe,fatte rahe,fatte rahe/Diwali tera maan badta rahe,badta rahe,badta rahe...
Sabko Diwali ki bahut shubhkamnayein!!!

Aamkho ke noor pe...

Aankho ke noor pe sab simat gaya/Dil ne zidd ki aur sab lipat gaya/Tum mujhe chaho na chaho tum jaano/Waqt ki dehleez pe mera sab tujhse lipat gaya/Kabhi to ayega manzar jab samjhoge tum mujhe/Aarjuon ke darwajo me baaki sab chimat gaya/Aarjuon ke darwajo me baaki sab chimat gaya.....

Mangal mangal mangal mangal....

Mangal mangal mangal mangal mangal ho/Bharat ne jab bheji hai maati to kyu na mangal ho/saara vishwa nihaar raha aur pukaar raha mangal ho/Hum bhi kahe, tum bhi kaho, mangal hi mangal ho/Mangal mangal mangal mangal mangal ho.....

Tum badal gaye ho...

Kadam kadam par tum sambhal gaye ho/Gumnaam raasto mai tehal gaye ho /Badi bekhauff hai zindagi khud to/Tum khauff mai rehkar pighal gaye ho/Berukhi tune nibhayi thi zindagi humse muh modkar kar/Sunne ko hume milta tum badal gaye ho/Sunne ko hume milta tum badal gaye ho.....

Listen O Life....

Time may not be favorable/ Nor the stars may be/ Patience is the key, I know/ I will wait and wait and wait/ Till I crush you successfully/ I will fight like a warrior/ Neither you can depress me/ Nor can suppress me/Listen O Life/Listen O Life......

Ganpati Bappa morya...

Swagat hai aapka humare dwaar/Karo kripa prabhu aprampaar/Vighn harta buddhi daata, mangalkaari/Pratham vandan kare saara sansaar/Modak chadaave , phool, doob aur haar/Door karo Ganpati agyaan aur andhkaar/Ganpati Bappa morya/Ganpati Bappa morya....

Kamyaabi ke rang...

kamyaabi ke rang kuch is tarah chadne lage hai/Hum bhi badalne lage hai wo bhi badale lage hai/Jo kabhi door se hi aankhe phir jaati thi dekhkar/Wo najar baar baar aane lage hai,/Aksar humse takraane lage hai/Aksar humse takraane lage hai.....

Kya mein azaad hu...

Kya mein azaad hu, wakayee mein azaad hu/Pucho tum khud se, Jakde ho tum inse/Anaachaar, atyachaar, ahankaar haavi hain tumpe/ Rishwat, ghotala, dango se aaj bhi barbaad hu/ Puch raha Hindustaan, wakayee main azaad hu/Kya mein azaad hu, wakayee mein azaad hu....

Kaanch pe padti boonde...

Kaanch pe padti baarish ki boonde/Dhundhla kar deti hai sab kuch/ Jaise koi purani yaad dhundhli pad jati hai dil ke kissi kone mein/ Aur jab kaanch ko saaf karte hai unhi boondo se/ Sab spasht dikhayi dene lagta hai/ Purani yaade tarotaza ho jati hai aur aise lagta/ Jaise teekhi bhajiya ke ooper garam chai pee ho/Jaise teekhi bhajiya ke ooper garam chai pee ho....

Vandan Krishna tumko...

Raas rachayo, prem paath padayo, hriday jagayo/ Andhkaar bhagayo, agyaan mitayo, Geeta mukh sunayo/ Rishtey nibhayo, Jeevan mahatwa batayo, Shristi rachayo/ Mridu bansi bajayo, Gauyein charayo, Maakhan khayo/ Vandan Krishna tumko, Kanha hari tumko/ Vandan Krishna tumko, Kanha hari tumko.....

Gurur jhukne nahi deta....

Gurur jhukne nahi deta, aadat badalne nahi deti/ Nami to bahut hai, baarish hone nahi deti/ Kitni jugaad karo, kitna karam karo khusiyaan paane ki/ Maut to kangaal hai, zindagi kharch karne nahi deti/ Ehsaaso me jeelo, ya dil ko tatolo/ Bechani jeene nahi deti, tanhayi sone nahi deti/ Bechaini jeene nahi deti, tanhayi sone nahi deti...

Eid mubarak...

Dikh gaya Chaand, Hai aaj Eid/Khusiyaan manao, Sewai pe bheed/Dua hai yahi, khush rahe sabhi/Bhul jao shikwe, haar aur jeet/Mushktshaat laaye, roshan kare Eid/Mubarak mubarak eid mubarak/Mubarak mubarak eid mubarak......

kahi chappar faad ke....

Kahi chappar faad ke barasta hai/Kahi boond boond ko tarasta hai/Koi kuch paane ko har pal tadapta hai/Koi lutaane ke bahane dhundta hai/Tumhari koshish jabardast thi par kya kare/Hota wahi hai jo naseeb me likha hota hai/Hota wahi hai jo naseeb me likha hota hai....

Saawan ayo re..

Saawan aayo re aayo re aayo re/Ghan ghan saawan aayo re/Garaj garaj barso tum megha/Magan magan naache van mora/Jhoom jhoom jhoome man manchala/Jhool jhool jhoole bachcho ka tola/Saawan aayo re aayo re aayo re....

Bikhar jata hai sab kuch...

Bikhar jata hai sab kuch ek pal me/Jis khel me kabhi ajeye rahe the/Kabhi khusiyaan ki bauchaar kar di thi/Kabhi muskrahaton ki chatta bikher di thi/Ek chook aansuon me badal deti hai chehro ko/Sannate me badal jaati hai josh se bhari cheekhe/Astitva bachana bhi naamumkin ho jata hai/Zindagi khel ki tarah ek pal me kar deti hai astitvaheen/Zindagi ek pal me kar deti hai astitvaheen...

Bheed mai tha...

Bheed mai tha aur tanha hota chala gaya/Jo apna tha wo bhi paraya hota chala gaya/ Sab magroor the apne mai is laga bheed mai/ Chehre bahut dikh rahe the par har koi begaana hota chala gaya/ Mai shikwa karu to kisse karu aur kya karu/ Doosron ko dhundne mai mashroof tha aur khud ko khota chala gaya/ Doosron ko dhundne mai mashroof tha aur khud ko khota chala gaya......

Daayre mai hi ulajh kar....

Daayre mai hi ulajh kar rah jaate hai log/ Daayre ke bahar nikle to aankho pe chad jaate hai log/ Daayre mai simat jaaye to pichad jaate hai log/ Kabhi kissi ko todni hogi ye bandishe daayre ki/ Jo toot jaaye ye daayre ki kadiyaan to khwabon ke aasmaano mai ud jaaye log/ Jo toot jaaye ye daayre ki kadiyaan to khwaabon ke aasmano me ud jaaye log...

Hadd paar kar gaya....

Hadd paar kar gaya atyachaar/Din-b-din bad raha anachhar/Chaaro taraf macha hahakaar/Kyu bhool raha insaan shishtachaar/Gar bhool gaya tu daayre apna/Mit jaayega tera asititva apna/Sun dard me bilakhti cheekh pukaar/Mat ban itna nirdayi yaar/Mat ban itna nirdayi yaar....

Mere toote ghar ki....

Mere toote ghar ki deeware/Mere adhoore sapno ki fariyaade/Khush hai apni tanhayee main/ Dil ke jakhmo ki saugaate/ Bheegi aankho ki raate/ Khush hai apni parchayee main/ Kuch bhooli kuch bisri yaade/ Kuch humari kuch tumhari baate/ Khush hai apni ruswayee main/Khush hai apni ruswayee main....

Jeet aur haar...

Jeet aur haar do pehlu zindagi ke/ Jeet badlaav lati hai/Kabhi abhimaan ki vridhi mai/Kabhi nayee soch aur vyavhaar ki utpatti mai/Haar bhi laati hai badlaav/Nirasha ke bhaavo ko/Ya phir Jeetne ki nayee chaaho ko/ Manushya ki samajhdari par nirbhar karta hai wo kya chunta hai....

Maa ki dua hai....

Bharam tha kaabiliyat se shikhar choo liya/ Maa ne fariyaad ki aur asar ho gaya/ Do kos bhi na chal paate akele to hum/ Maa ne pakda haath hai poora safar ho gaya/ Kitni bhi rukawate aaye raaste mai aa jaayein/ Maa ki dua hai , burai tera khwaab be-asar ho gaya/Maa ki dua hai, burai tera khwaab be-asar ho gaya......

Badi bhaag daud....

Badi bhaag daud hai yaha/Koi paise ke peeche bhaag raha/Koi naam hai/Koi mukaam ke/Koi armaan ke/Ek doosre ke peeche bhaag rahe hai log/Aur bhool gaye is bahagambhaag mai/Reh gaya peeche unka astitva,unki parchayee......

Bada tang karti hai zindagi..

Bada tang karti hai zindagi/Bacche ki tarah/Kabi nochti hai baalo ki tarah sawre rishto ko/Kabhi jidd karti hai aakarshit karte jaise khilone ko paane ko/Aansu bahati hai naakabyaab hone par/Rooth jati hai hastato ke khone par/Saham jaati hai nakaabi chehro par/Bada tang karti hai zindagi....

Bhakt Hanumaan sa...

Bhakt Hanumaan sa/Bal Hanumaan sa/Buddhi, vivek, nirbheek Hanumaan sa/Jag me dooja nahi/Ajar,amar sankat mochan Hanumaan sa....

Ram ki mahima....

Ram ki mahima jagat nirali/Deen heen ki naiya taari/Maryada,vachan ka paath padawa/Jeevan sukh banaye jo Ram ko manawa/Antah karan ke sab dosh mitahi/Jo jan Ram naam gaawahi.....

Samvednaaon mein....

Samvednaon mein umadti hai zindagi/khwahishon pe tikti hai zindagi/Mauko pe uchalti hai zindagi/Aage aage chalti hai zindagi/Saala jab bhi thak jao to/Utha utha ke patakti hai zindagi/Utha utha ke patakti hai zindagi...

Hastiyaan..

Taaron ki tarah timtimati hastiyaan/Pal bhar me mit jaati hastiyaan/parchayee ke jaisi saath rehti/Shaam ki tarah dhal jaati hastiyaan/Guroor ki aandhi uda le jati shaakho'n ko/Sapno ki tarah bikhar jaati hastiyaan/Sapno ki tarah bikhar jaati hastiyaan....

Thakaan hoti hai unko...

Thakaan hoti hai unko jo thakna chahte hai/Wahi rote hai jo rona jaante hai/Phool murjhakar bhi apni khusboo ni chodta/Zindgi haseen unko hai jo jeena jaante hai/Faasle ho, na ho, kam ho ya jyada/Bafai wahi karte hai jo rishto ko maante hai/Bafai wahi karte hai jo rishto ko maante hai.....

Wo sab kuch bhool jane ko....

Wo sab kuch bhool jane ko maikhane me gaya/Gajab ye hua sab kuch yaad raha khud ko bhool gaya/Tanhayee saath degi yaado me tamanna thi/Yaado ke mele me ehsaaso pe jhool gaya.....

Sannate ko jab bhi....

Sannate ko jab bhi cheda hai/Aandhiyo ne bhi rukh moda hai/Kis baat pe toofaan itraate hai/Dariya me aake simat jaate hai/Guroor ne kisi ko nahi bakhsa hai/Aasma ko bhi jhukna padta hai/Roshni ko cheerte saaye hai/Jab dil par koi chot karta hai/Tab angaaro ka jwalamukhi umda hai/Sannate ko jab bhi cheda hai......

Basant ki chaayi bahaar....

Gyaan ka bhandaar, Saraswati ka uphaar, Prasanna chitt sansaar/Prakriti susajjit, Bhool kar haar jeet, Sarso ki bayaar/Man ka gudgudana, Tera aana jaana, Basant ki chaayi bahaar......

Loktantra, Jantantra, Gantantra...

Loktantra, Jantantra, Gantantra na rahe sirf paribhashit hi/Adhikaar mile har jan ko, mile sushait hi/ Swatantrya adhikaar hai, rashtra vichaar hai/Desh pragati sheel bane, ho nirashrit hi/Prasanna chitt ho man jaise lehraati fasal hoti hai/Balidaan ki alakh jalti rahe, ho bal shaalit hi/ Balidaan ki alakh jalti rahe, ho bal shaalit hi....

Seekhna hai to....

Seekhna hai to Prakriti se seekho/ Jeena hai to prakratik paridrashya me jiyo/ Soorya sa tez ho vyaktitva me/ Chaand si abha ho mukh pe/ Pawan si sheetalta ho vyavhaar me/ Paani si vinamrata ho aachar me/Jeevan ki jyoti jale prakriti tere tale/Jiyu to aisa jiyu/Main tujhe hi paaun, tu mujhe hi mile/Main tujhe hi paaun, tu mujhe hi mile....

Makar ke soor...

Makar ke soor, ladoo'n ka suroor/Patangbaaji, chal na saathi/Til ki aaye khushboo.../ Dubki lagake, thand me nahake/Sardi bhaag jaati hai door.../

Aarambh se ant...

Aarambh se ant aur phir prarambh ka safar hai/Hum chale the jahan se wahan ka safar hai/Timir bhi aaya,dhoop bhi aur chaaon bhi/Kuch kahani poori huyi, kuch adhoori rahi/Khaali panne hai,syaahi hai/Likhna hai adhoore sapno ko, anchuye palo ko/Ye saal shuru hua tha sooraj ki kiran se/Antim shikhar ko chuyegi sooraj ki lalima hi/Par ye ant nahi,prarambh ki sankalpana hai/Ye varsh pahuncha apne antim shikhar par/Aatur hai baahein failaye swagat ko naya saal/Aatur hai baahein failaye swagat ko naya saal....