Na usko pata chala...

Na usko pata chala, na mujhko pata chala/Kaun kiska shukrguzaar hai,dono ko na pata chala/Roshni bikher di us diye ne chaaron taraf ahista ahista/Kab andhera gayab hua, na hulchal huyi na pata chala/Gurur hona chahiye tha usko apne hunar par/Jis saadgi se usne sab apnaya, na shor hua na pata chala/Jis saadgi se usne sab apnaya,na shor hua na pata chala...

Andhkarmaye jeevan prakashit kar diya...

Andhkaarmaye jeevan prakashit kar diya/Guruvaani ne saara jeevan saatvik kar diya/Wo swayam ko dhundh raha tha idhar udhar/Uski swayam se pehchaan karakar aastik kar diya/Uski swayam se pehchaan karakar aastik kar diya....

Kisi ki maut ka intezaar hota hai..

Kisi ki maut ka intezaar hota hai/Kisi ke janaaje par jahan rota hai/Fark itna hai sirf/Koi dilon me jagah bana leta hai/Koi aankhon me khatakta hai...

Aisa matrabhakt Kalaam tha...

Rameshwaram ki dharti se nikla usko aakhri salaam tha/Hindustaan ke man me basa wo ek paawan naam tha/Matrabhumi ki sewa uska ek hi kaam tha/Hum sab ka pyaara aisa matrabhakt Kalaam tha/Hum sab ka pyaara aisa matrabhakt Kalaam tha...

Atankvaad ki talwaar..

Aatankvaad ki talwaar lahoo luhaan karti hai/Jisko kata use bhi/Jisne kaata use aur uski naslo ko bhi...

Bade khoobsurat chehre hote hai...

Bade khoobsurat chehre hote hai/Saamne tareefon ke pull baandhte hai/Aag laga dete hai usi pull me peeth piche/Dhuaan chaaron or aasman me chaa jata hai uska/Dhuaan chaaron or aasman me chaa jata hai uska...

Tumne dekhe hoge kayee chehre..

Tumne dekhe hoge kayee chehre/Na dekhe hoge unke piche chipe chehre/Shaam to dekhi dhoomil lagti hai/Raat na dekhi andheri lagti hai/Dariya me pani bahut hai magar/Khaarepan me lehar tair rahi hai/Khaarepan me lehar tair rahi hai....

Subah subah ki baarish..

Subah subah ki baarish/Aur akhbaar ki sifaarish/Badi acchi lagti hai/Tumhari aankhon ki saajish/Raahat deti badan ko maalish/Badi acchi lagti hai/Khwaabon ka buna taana baana/Ek pyaali chai ki guzaarish/Badi acchi lagti hai...

Rukh tune uthaya ae zindgi...

Rukh tune uthaya ae zindgi/Hum tere kaayal ho gaye/Teri muskaan ke noor me/Hum dil se ghaayal ho gaye/Kitna khoobsurat ho gaya ye jahan/Jaise saawan me ghanghor badal ho gaye/Jaise saawan me ghanghor baadal ho gaye...

Girna sambhalna zindagi hai...

Girna, sambhalna zindgi hai/Kabhi door kabhi pass khadi hai/Josh na gawao hosh ke saath/Iski yahi khoobsoorat ladi hai/Patjhad si murjhi kabhi to/Kabhi bahar bankar bikhri hai/Kabhi bahar bankar bikhri hai...

Kisi ke paas samay nahi hota...

Kisi ke paas samay nahi hota/Kisi ko samay nahi milta/Jab samay nikalta hai tab sabra nahi hota/Auron se mile to hairat hai/Khud se milne ka jikra hi nahi hota/Khud se milne ka jikra hi nahi hota.....

Pehli baarish, pehla pyaar..

Pehli baarish, pehla pyaar/Ek cup chai aur mera yaar/Jeevan ki gutthi, ghar sansaar/Baahon me ab to aaja O mere yaar/Baahon me ab to aaja O mere yaar...

Maano to dua hai...

Maano to dua hai/Warna haath to utha hai/Ye kaisi ada hai ya teri raza hai/Need ka aalam hai/Raat ka nasha hai/Jo khud me sama hai/Wo tu hai ya hawa hai/Wo tu hai ya hawa hai

Kisi ko aas na mili...

Kisi ko aas na mili/Kisi ko aashiyaana na mila/Jo mila wo batane ka bahaana na mile/Tumne waqt nikal kar haalat jaanch liye/Hume to waqt ka afsaanana bhi na mila/Safar lamba hai taye karna hai aye zindagi/Is daud me na waqt mila na waqt ka muskrana mila/Is daud me na waqt mila na waqt ka muskrana mila......