Yaha sabki chaal...

Yahan sabki chaal juda hai/Sambhle kadmo ki aahat hai, aur kisi ki ada hai/Aade, tirche,tede,mede mod hai/Tu hai,tere kadam hai,teri raza hai/Jaane tere man mai kya,uske man mai kya basa hai/Yaha sabki chaal juda hai...

Har koi apni naakamiyo ko...

Har koi apni nakaamiyo ko chupaye baitha hai/Koi khwaab mai,koi dil mai,koi tanhayiyo mai/Khaali raaste phir bhi magroor hai anjaani manzil ke/Jiska pata na raahi ko hai,na raah ko/Naakamiyo se ulajhti hai mauje, ladti hai har waqt sahil se/Baar baar chot khati hai par nakaami chupati nahi/Kuch ladkar dum tod deti hai,kuch manzil paa jati hai/Kuch ladkar dum tod deti hai,kuch manzil paa jati hai...

Nav diwas,nav roop..

Nav diwas,nav roop/saumya,shakti,shristi sampoorna/Matra shakti srajan karti/Bin maa sab soonya/Bin maa sab soonya..

Raaz ki baat bataye....

Raaz ki baat bataye raaz hi rakhna/Sabko phir samjhaye raaz hi rakhna/Tum pe bharosa hai chupane ka/Khud chup na reh paaye raaz hi rakhna/Sareaam na ho jaaye kahi ye baat/Humne sirf tumko batayi raaz hi rakhna/ Humne sirf tumko batayi raaz hi rakhna........

When the mind is not free

When the mind is not free/When the heart is not 'Me'/This Lust green covered with clouds/ forget 'I', 'You' and 'We'/.....

Samudra ke kinaare...

Samudra ke kinaare,jheelo ke sahare/Jab shaam dhalti hai,Lehre ufanne lagti hai/Maajhi laut aata hai,saahil bheeg jata hai/Aur dil bas gungunata reh jata hai/Zindagi tu kya ajeeb hai/Maujo mai palti hai,maujo ko sehti hai/Maujo mai palti hai,Maujo ko sehti hai....

Raj wahi sawaal....

Roj wahi sawaal dohrate ho tum/ Jiska jawab mere paas nahi hota hai/Kyu aag lagate ho tum/Jo sulaghti hai madham madham/Na to uske bujhne ka waqt maloom hota hai/Na wo jhat se jalkar khaak mai badalti hai/Dhadhakti rehti hai seene mai/Sawalo ki raakh bankar/ Aur dhuaan uthta rehta hai dard ka/ Kyu chingaari bhadkate ho tum/Kyu sawaal dohrati ho tum Zindagi.....