Badi klisht hoti hai zindagi ki kahani.....

Badi klisht hoti hai zindagi ki kahani/kabhi kissi ki chahat mai simat kar reh jati hai/Kabhi kissi ke algaaw me bikhar jaati hai/Phoolo se naajuk bhi hai aur patthar si kathor bhi/Jaane kab ashk beh jaaye aur jaane kab muskrahat ki chatta bikhar jaaye/Subah ki laalima thandak deti hai aankho ko/Dopehar ki dhoop chubhan/Saanse kab toot jaaye/Kab roshni andhere mai badal jaaye andaaza lagaana mushkil hai/Badi klisht hoti hai zindagi ki kahani............

Yaad rakhne ki parwaah kaun kare...

Tum apne mai hi magroor raho/Jahan ki parwaah kaun kare/Ye hai,wo hai,tum ho sochne wale/Jamane ki parwaah kaun kare/Tumhe rukne ki kahan fursat hai/Saaye ki parwaah kaun kare/Tum bhoolo na bhoolo ye tum socho/Yaad rakhne ki parwaah kaun kare/Tum bhoolo na bhoolo ye tum socho/Yaad rakhne ki parwaah kaun kare....

Jab aata hai Sunday yaar....

Jab aata hai sunday yaar,nikal jaata din saara/Hafte bhar ka tha bukhaar,nikal jaata din saara/Kaam ki badti maar,nikal jaata din saara/Sone ka tha bhoot sawaar,nikal jaata din saara/Yaad aata Somvaar,nikal jaata din saara/Jab jab aaye Itvaar,nikal jaata din saara/Jab jab aaye Itvaar,nikal jaata din saara.......

Waqt ki raftaar bhi huyi....

Jeet bhi huyi haar bhi huyi/Pyaar ke sath takraar bhi huyi/Bachpan ki baate hai/Sapno mai saakar bhi huyi/Nanhe kadmo ki aahat thi/Waqt ki raftaar bhi huyi/Waqt bhi raftaar bhi huyi.......

Diwali man bhaavan....

Diwali man bhaavan,rango se saje aangan/Tyohaar ati paavan,vadh karo Raavan/Deep jale aangan,ghar aaye saajan/Prabhu tum dukh haaran/Laxmi kare paalan/Diwali man bhaavan,deep jale aangan......

Bahut khoobsurat lajawaab nikla....

Bahut khoobsurat lajawaab nikla/Eid ka chaand aasma me nikla/Duao,shafao ka daur hai/Rehmat-e-karam mehtaab nikla/Raunak hai dilo me aur jahan mai/Mohobbat dil me liye ishq ki daastan nikla/Eid ka chaand aasma me nikla.....

Ram humme hai.....

Ek Ram,ek Ravan humme hai/Sajjanta,dushtta humme hai/Putle jalane se Ravan nahi marta/Wo putlo mai nahi humme hai/Saumyata Ram ka swaroop hai/Katuta,nirdhta humme hai/Kaha dhoondte ho Ram ko mandiro mai/Mitado Ravan,Ram humme hai/Mitado Ravan,Ram humme hai............