Kya wajah hai...

Kya wajah hai ki khud ko na sambhal paya/Tere sawalo ke anusar khud ko na dhaal paya/Phool khilte hai kaanto mai phir bhi/Har taraf ek buna hua jaal paya/Har taraf buna hua jaal paya.....

Rishto ke baare mai...

Rishto ke baare mai kehte hai,kuch khatte hote hai kuch meethe/Kuch apne hote hai kuch paraye,kuch jane anjane hi ban jate hai/phool jaise apni khsubhu nahi chod sakta rishte bhi nahi chootte,magar khushbu kam ho jati hai agar use masla jaye,Phool mehkne ke liye hota hai,aur rishte nibhane ke liye.......

Raat apne nishaa chod jati hai...

Raat apne nishaa chod jati hai din ke ujalo mai bhi/Bina piye chad jati hai pani ke pyalo mai bhi/Mere shauk ne mujhe itna duba diya suroor mai/Gutthi sulajh jati hai uljhe sawalo mai bhi/Mujhe akela dekh kar ye na samjhna mai tanha u/Apni to mulakat ho jati hai khayalo mai bhi/Apni to mulakat ho jati hai khayalo mai bhi....

Roj ek kahani

Roj ek kahani likhi jati hai/Kissi ke dard se, kissi ke anshuo se,kissi ki muskrahat se,kissi ki tanhaiyo se/Kissi ke pyar ki,kissi ke taqrar ki,kissi ke dil ki,kissi ke yaar ki/Kissi ke rishto ki jubani likhi jati hai,kissi ke pagalpan ki shaitani likhi jati hai,kissi ki dhadkan ki hairani likhi jati hai,kissi bhookhe ki kahani likhi hai/Har roj badalta hai/Kahani badalti hai,nishani badalti hai,hairani badalti hai,shaitani badalti hai/Kuch gar nahi badalta to/Din nahi badalta,raat nahi badalti,ehsaas nahi badalte,kahani nahi badalti,agle din phir wahi kahani likhi jati hai/Roj ek kahani likhi jati hai...

Mai apne khayalo se....

Mai apne khayalo se guzar raha tha/Tujhe dekh kar sihar raha tha/Mai apne aap ko bhul gaya/Aisa tere sehar ka asar raha tha/Log gunzaish rakhte hai apne dil mai thodi si/Mera sapna har pal bikhar raha tha/Mera sapna har pal bikhar raha tha......

Sab kuch aaine ki tarah.....

Sab kuch aaine ki tarah saaf nahi hota/sab kuch hokar bhi paas nahi hota/waqt badalne mai der nahi lagti yahan/mera dil bhi kabhi kabhi mere sath nahi hota/kaise karu mai yakeen tumhare ooper/tumhe to mera name bhi yaad nahi hota/tumhe to mera name bhi yaad nahi hota.......

dhuye ki tarah.....

dhuye ki tarah ud rahe hai din/kabhi baadlo mai chupte hai/kabhi aankho se ojhal hote hai/kabhi ghul jate hai dhuye ki lato mai.../kabhi ulajh jati hai sham/kabhi darta hai insaan/kabhi simat jati hai zindagi khud ki hi baaho mai.../kabhi dhua dhua ho jati hai zindagi/ek pal mai ud jati hai zindagi/katra katra bikhar jati hai zindagi...dhuye ki tarah ud jati hai zindagi/dhuye ki tarah ud jati hai zindagi......