Os ki baarish mai....

Os ki baarish mai nahate hai hum/December ka mahina hai jhoom jaate hai hum/Dhundh ne jab chaadar od hi li hai/Tere sang hi ab jhilmilate hai hum/Thithuran,Murjhan sab saath hai/Chai ki pyaali mai sab bhool aate hai hum/Chai ki pyaali mai sab bhool aate hai hum..........

Roj dhundta hu mai apne astitva ko...

Roj dhundta hu mai apne astitva ko kahin mil jaye/Kabhi khud ke ander jhankta hu/Kabhi Tujhme talsahta hu/Tu hai har waqt hai yahi suna hai ab tak/Mere jeevan ki paribhasha kya hai samajhna chahta hu/Abhi talaash adhuri hai/Zindagi ki poornta poori hogi,khud ke astitva ko jaankar.......

Mere badle haalat par....

Mere badle huye haalat par muskrati hai zindagi/Kabhi suljhati kabhi uljhati hai zindagi/Us sham ke waqt na chand tha na sooraj apne shabab par/Aj andhere mai bhi dekho chandni mai nahati hai zindagi/Aaj andhere mai bhi dekho chandni mai nahati hai zindagi...........

Akele hi chalna hai......

Akela hi chalna hai tujhe,kaarwan khud ban jayega/Museebaton ka bhawra hai,khud shama mai jal jayega/Gaadiyaan daudti hai,raftaar se itni ki/Padaav nikalte jate hai,Waqt yu hi kat jayega/Sath tum dena mera us hawa ke bahaw ki tarah/Maajhi ko to jana hai,kashti-e-dariya paar kar jayega/Maajhi to to jana hai,kashti-e-dariya paar kar jayega................

Akele hi chalna hai......

Akela hi chalna hai tujhe,kaarwan khud ban jayega/Museebaton ka bhawra hai,khud shama mai jal jayega/Gaadiyaan daudti hai,raftaar se itni ki/Padaav nikalte jate hai,Waqt yu hi kat jayega/Sath tum dena mera us hawa ke bahaw ki tarah/Maajhi ko to jana hai,kashti-e-dariya paar kar jayega/Maajhi to to jana hai,kashti-e-dariya paar kar jayega................

Waqt ke sath.........

Waqt ke sath mera haal bhi badal jata hai/Jawabo ke sath sawaal bhi badal jata hai/Chaahat to itni hoti hai ki sirf alag dikhu/Chehra badalte hi dil bhi badal jata hai/Ghaav kaisa bhi ho kissi bhi wajah se kyu na ho/Dard to wahi hota bas jagah badal jata hai/Dard to wahi hota bas jagah badal jata hai.....................

The battle is not required......

The battle is not required with others/The fight is with ourselves/The enemy does not reside here and there/The evils are inside us/Empower me with the weapons of truth and knowledge/Let me be victorious, let me be victorious............

Meri parchayee mere sath...

Meri parchayee mere sath chalti hai,mere piche piche/Insaan ke karam bhi uske piche chalte hai,uske janam se uske ant tak/Ye chuhe billi ka khel chala a raha hai sristhi ke aarambh se aur chalta rahega uske ant tak/Na tum apni parchayee  ko apne se door kar paoge aur na tumhe alag hone dega tumhare karmo ka khel/Haar to honi hi hai tumhari ek din par jeet mil sakti hai tabhi jab ye parchayee parchayee na rahe ban jaye hissa jeevan ka/Meri parchayee mere sath chalti hai......

I do not need wings....

I do not need wings to fly/Nor deep breath to take sigh/You behold my hand and lets start together/The serene and calm journey of life/From the realm of Nature/To the house where spirits resides/You behold my hand and lets start together..................

Ehsaaso mai jeena accha lagta hai....

Ehsaaso mai jeena accha lagta hai/Kissi ke hone ka ehsaas,kissi ki masumiyat ka ehsaas,sapno mai rehne ka ehsaas,dhadkan ki chuan ka ehsaas,baarish ki boondo ka ehsaas/Tere hone ke ehsaas ka ehsaas hota hai/Har dua mai tera khayal rehta hai/Tere hone par mera ehsaas hota hai/Ehsaaso mai jeena accha lagta hai....

Prakritik saundarya se man.....

Prakritik saundarya se man pulkit hota hai roj/Naachte mor ko dekhne ko dil karta hai roj/Is apadhapi se tu mujhe door rakh,door rakh/Saanse khichi chali jaaye teri or,teri or/Saanse khichi chali jaaye teri or,teri or.................

Tam ne jab tha ghera...

Tam ne jab tha ghera/Tumne akar use ukera/Gyan ki lau jalakar/Jeevan mai kiya savera/Swachand mujhe banakar aapne/nabh mai udna sikhaya/Prakash marg prashast kar/Khushiyon ka rang bikhera/Gyan ki lau jalakr/Jeevan mai kiya savera........

Thakaan to har roj hoti hai.....

Thakaan to har roj hoti hai/Kabhi kaam ki wajah se kabhi zindagi ke bojh se/Sooraj ki tapan mai din bhar jalte hai phool,patte aur fal/Par apne guno ko wo kamjor nahi padne dete aur unki taajgi bani rehti hai raat bhar bhi aur din bhar bhi........

Ya maula tera banda...

Ya maula tera banda khada tere dar par/Mujhe apna banale,thodi se dua dede/Khata jo gar huyi ho kabhi to/Mujhe maaf karde,thodi se shafa dede/Thodi si dua dede,thodi se shafa dede.........

Mai har roj yahi sochta hu....

Mai har roj yahi sochta hu,Tere hone ke ehsaas ko jodta hu,Dil ko dil se dhundta hu/Tera mera rishta kuch aisa hai,na bandhan hai na koi kissa hai,na koi aur dikhta hai/Dosti hoti sabse nyari hai,gussa v ho tab bhi sabse pyari hai,haq ki hai,adhikari hai/Tu mere paas ho na ho,mere sath ho na ho,khas ho ya na ho/Phir bhi dosti to dosti rahegi,dil ki dhadkano se kahegi,rag rag mai bahegi/Kyunki dost hi dost hota hai,tere hone ke ehsaas ko jodta hai,dil ko dil se dhundta hai.........

Raksha ke sootra mai....

Raksha ke sootra mai bandha ye pyaar hai/Pavitra,paavan rishta, dilon ka sansaar hai/Mai khush rahu chahti hai bahin meri bas itna sa/Janm-janmo ka rishta hai aaj to bas sirf tyohaar hai/Janm janmo ka rishta hai aj to bas sirf tyohaar hai......

Na bhalo se na talwaro se.....

Na bhalo se na talwaro se, ladni hogi ek aur ladai ab to/Hil jaye saara jahan,leni hogi aisi angdayi ab to/Bahut ho chuka tumhara khel ye bemaniyo aur jillato ka/Bhar chuka hai paap ka ghara, bahana hoga yaar ab to/Meri sanse jab tak hai,is desh ke liye nyochawar hai/Tum mera sath do na do,mujhe to ladna hoga ab to/Tum mera sath do na do,mmujhe to ladna hoga ab to..........

Haar,jeet ke jhule mai....

Jalaane ko to ek diya bhi tha phir mujhe kyu jalaya tumne/Sukoon ki thodi khwahish thi phir mujhe kyu sataya tumne/Maine sapno mai socha tha bita lunga kuch pal/Mai so hi nahi paya needo ko hi udaya tumne/Kya paya kya khoya ye behisaab ho gaya/Haar,jeet ke jhule mai aisa mujhko jhulaya tume/Haar,jeet ke jhule mai aisa mujhko jhulaya tume...........

Kuch sukoon ke ....

Kuch sukoon ke behte huye pal,Kuch sukoon ki bikhri huyi yaade/Jeevan ki aapa dhapi mai, Hone do sukoon ki barsate/Raaho mai phool na the,Phir v naachti thi baarate/Feeke padne lage rang ab to,Badne lagi andhiyari raate/Jeevan ki is aapa dhapi mai.Hone do sukoon ki barsaate.................

Bhulne se koi.....

Bhulane se koi bhulta nahi hai/ Jab kuch yaad ata hai to kuch soojhta nahi hai/Boonde to pani ki giri thi mere ooper/Sawan hai par ab dil jhoolta nahi hai/Mausmi barsaat phir satane lagi hai/Pehle tujhe milne ko tadapta tha, ab kissi ko dhudta hi nahi hai/Pehle tujhe milne ko tadapta tha, ab kissi ko dhudta hi nahi hai.............

Wo school ki yaade....

Wo school ki yaade,kitaabo ki barsaate/Aankho mai nami,teacher ki chuan/Din pehla school ka,padne chale the jab hum/Najrein dhunti mum,par na dikhe tum/Din pehla school ka, padne chale the hum......

Kabhi khushi ki yaado se...

Kabhi khushi ki yaado se badke aage/Kabhi ghar ke aangan ke kadmo ke saaye/Kabhi muskrahat labon pe chaaye/Kabhi haatho ko tere thaam jaye/Yaade haqeeqat ban jati/Sab saath milkar jo gungunaye/Sab saath milkar jo gungunaye....

Wo raaste banate rahege..........

Logo ki aarju dil mai thi/Ye siyasat wale kya samjhege/Fate cheethdo mai gareeb ki jhopdi/Dekhne wale bas dekhte rahege/Jise pata hi nahi manzil kya hai/Wo raaste banate rahege/Wo raaste banate rahege.......

Aksar sehro mai gum jate hai log......

Aksar shehro mai gum jate hai log/Par mit jati hai unki sahanbhuti, mar jati hai antaraatma aisa pata na tha/ Chand ki chandni bhi dhumil padti hai suraj ki tez dhoop mai, par phir bhi wo chamakta rehta hai raat ke andhero mai,sheetalta pradan karte huye logo ko/Phir kyu mar jati hai logo ki samvedna usi sehar mai rahkar jahan har raat chand roshan karta hai usi sehar ko/Lagta hai logo ko sooraj se prerna milti hai jalne ki /ya wo itne kroor ho gaye ki jalna ya jalaana hi bacha hai unki zindagi mai ab/ya wo itne kroor ho gaye ki jalna ya jalaana hi bacha hai unki zindagi mai ab.......

Maa har pal yaad......

Maa har pal yaad karti hai/Kabhi sajda kabhi fariyaad karti hai/Ansu na a jaye meri aankho mai/Khud rokar din raat karti hai/Khusi ka khana mai akela kha gaya/Gam ka naasta wo mere sath karti hai/Gam ka naasta wo mere sath karti hai........

Kitaabon ke panno mai....

Kitaabon ke panno mai likhi wo likhawat hai/Baithak ki almaari mai saji wo sajawat hai/Tere noor se nahi hattti hai ab aankhe/Yu hi sajda hua lagta ki ibaadat hai/Yu hi sajda hua lagta ki ibaadat hai.....

Sab kuch mila ho....

Sab kuch mila ho jab yuhi/Tu bhi haasil ho yuhi/Sajda to humne nahi ki thi/Teri dua huyi haasil yuhi/Mai akela nahi tha ab talak/Tera saath tha khwabo mai yuhi/Tera sath tha khwabo mai yuhi........

A cup of tea.....

A cup of tea,You and me/It's raining dear,romance in the air/Memories in vision,hot n cool fusion/Soft hearty number,romance in the air/Romance in the air.........

O mere khuda.....

Ye kaisi khata,ya baddua/Tu kyu he rutha/O mere khuda,O mere khuda.../Kya thi wajah,ya teri raza/Sath kyu choota/O mere khuda,O mere khuda.../khusbu ki fiza,behne de hawa/Ab dede shafa/O mere khuda,O mere khuda.......

Dopehar ki garmi mai .......

Dopehar ki garmi mai jhulasti zindagi/Paseene mai darbadar,Sooti kapde se pochkar/Jhoke ki rahat ko tarasti hai/ Sukoon ke do ghoont peekar,badati hai phir se kadam apni manzil ki or/Kabhi daudti hai cheete se bhi tej,kabhi thak kar girti hai falo ki tarah daali se/Kabhi behti hai dariya ke jaise pathreele raaho se,Kabhi bhar leti hai sametkar mamta ki baaho mai/Tootkar bikharti huyi zindagi,bikhar kar phir jud jati hai,phir bikhar jati hai,phir jud jati bai.......

Raat raat bhar jaag ke....

Raat raat bhar jaag ke taare gina karo/Us khali kagaj pe nagme likha karo/Gazal jo na choo paaye usko ontho ko/Gazal ke alfaaz badal diya karo/Uski yaad mai likh jayege kayee Makte/Sher ban jaye to bikher diya karo/Sher ban jaye to bikher diya karo....

Kuch banawti hai wo rishte.....

Kuch banawati hai wo rishte/Kahi chupe hai farishte/Hawaye chalti hai jo/Lato ke jaise ulajhte/Aasma se kaho baras jaye/Hamesha bahte rahe rishte/Dil ke dhaago se/Judte rehte rishte...

Is sehar ke halat....

Is sehar ke halat itne bigde hai/Khud ko bigadu ya isko sudharu/Moti hai par na jane kyu bikhre hai/Dil se nikalu ya aankho me basalu/Gaanth pad hi jati hai dhage me/Khud ko roku ya khud ko sambhalu/Khud ko roku ya khud ko sambhalu....

Holi ke rang...

Holi ke rang sang sang,sang-sang/Khele pike bhung rang rang,rang-rang/Gori ko phadke ang,ang-ang,ang-ang/Holi ka huddang,dang-dang,dang-dang/Holi ke rang sang sang,sang-sang..........

Teri aahat se...

Teri aahat se mai sambhal gaya hu/Teri panaho mai mai pal gaya hu/Tujhse narajgi,tujhse deewangi/Teri saja se mai badal gaya hu/Teri ibadat mai mai dhal gaya hu/Teri ibadat mai mai dhal gaya hu.....

Kaisi wo kasti thi,kaisi wo rawani thi/Mere hi ghar ki,meri hi kahani thi/Gumnaam wo raaho mai,raat ke saayo mai/Tere pak noor ki wo andekhi nishani thi/Wo ek ajnabi thi,wo ek anjani thi/Wo mere hi ghar ki,meri hi kahani thi.......

Har din ek jaisa....

Har din ek jaisa nahi hota,log bhi ek jaise nahi hote/Din badalta hai log badalte hai,khwab badalte hai,jawab badalte hai,nissan bhi ban jate hai kuch aur kuch nissan mit jate hai/Roshni rehti hai kayam jab tak baati jalti hai,kuch samay baad baati bhi bujh jati hai/Jo awaj gunji thi ab talak kaano mai,bikhar jati hai ek hi jhatke mai,Jo aahte thi toot jaati hai takrakar aur jo kadam bade the aage tham jaate hai wahi rukkar...

Kya wajah hai...

Kya wajah hai ki khud ko na sambhal paya/Tere sawalo ke anusar khud ko na dhaal paya/Phool khilte hai kaanto mai phir bhi/Har taraf ek buna hua jaal paya/Har taraf buna hua jaal paya.....

Rishto ke baare mai...

Rishto ke baare mai kehte hai,kuch khatte hote hai kuch meethe/Kuch apne hote hai kuch paraye,kuch jane anjane hi ban jate hai/phool jaise apni khsubhu nahi chod sakta rishte bhi nahi chootte,magar khushbu kam ho jati hai agar use masla jaye,Phool mehkne ke liye hota hai,aur rishte nibhane ke liye.......

Raat apne nishaa chod jati hai...

Raat apne nishaa chod jati hai din ke ujalo mai bhi/Bina piye chad jati hai pani ke pyalo mai bhi/Mere shauk ne mujhe itna duba diya suroor mai/Gutthi sulajh jati hai uljhe sawalo mai bhi/Mujhe akela dekh kar ye na samjhna mai tanha u/Apni to mulakat ho jati hai khayalo mai bhi/Apni to mulakat ho jati hai khayalo mai bhi....

Roj ek kahani

Roj ek kahani likhi jati hai/Kissi ke dard se, kissi ke anshuo se,kissi ki muskrahat se,kissi ki tanhaiyo se/Kissi ke pyar ki,kissi ke taqrar ki,kissi ke dil ki,kissi ke yaar ki/Kissi ke rishto ki jubani likhi jati hai,kissi ke pagalpan ki shaitani likhi jati hai,kissi ki dhadkan ki hairani likhi jati hai,kissi bhookhe ki kahani likhi hai/Har roj badalta hai/Kahani badalti hai,nishani badalti hai,hairani badalti hai,shaitani badalti hai/Kuch gar nahi badalta to/Din nahi badalta,raat nahi badalti,ehsaas nahi badalte,kahani nahi badalti,agle din phir wahi kahani likhi jati hai/Roj ek kahani likhi jati hai...